Benvido/a aos Cuestionarios Interactivos

Benvida ao espazo educativo de apoio!

Esta páxina web nace co obxectivo de ser unha ferramenta complementaria para o reforzo educativo do alumnado de Educación Primaria. Actualmente, inclúe contidos específicos para os niveis de 5º e 6º curso, e está deseñada para facilitar a consolidación dos coñecementos teóricos mediante actividades interactivas e accesibles.

Trátase dun recurso de apoio, polo que non substitúe o estudo previo da teoría. É fundamental que os nenos e nenas comprendan os contidos antes de realizar as actividades propostas. A eficacia desta ferramenta tamén depende da atención e constancia durante o seu uso.

Dirixímonos especialmente ás familias, ofrecendo un soporte adicional que facilite o seguimento das tarefas escolares no fogar. Esta plataforma pretende ser un aliado no acompañamento educativo dos seus fillos e fillas, proporcionando un entorno seguro, organizado e pedagoxicamente eficaz.

A nosa intención é ampliar progresivamente os contidos ata cubrir todos os niveis de Educación Primaria. Se considera oportuno incorporar materiais doutras materias ou cursos, ou desexa facer achegas para mellorar o proxecto, pode poñerse en contacto connosco. Así mesmo, se o desexa, pode colaborar mediante unha doazón por Bizum, o que contribuirá ao mantemento e desenvolvemento da plataforma.

“Aprender é a chave para abrir portas no futuro. Nunca deixemos de querer saber máis.”